عمر اکمل کی، سزا میں ڈیڑھ سال کمی کر دی گئی

لاہور (اپووا نیوز) سپاٹ فکسنگ کیس میں کرکٹر عمر اکمل کو عدالت سے بڑا ریلیف مل گیا سزا میں ڈیڑھ سال کمی کر دی گئی عمر اکمل کو 3 سال کی سزا سنائی گئی تھی جس میں کمی کر کے اب ڈیڑھ سال کر دی گئی ہے، کرکٹر نے تین سالہ پابندی کے خلاف عدالت میں اپیل کی تھی فیصلے کے بعد عمر اکمل کا کہنا تھا کہ سزا کم ہونے پر اللہ کا شکر ادا کرتا ہوں تاہم ابھی فیصلے سے مطمئن نہیں، سزا کو مزید کم کروانے کی کوشش کروں گا انہوں نے کہا کہ اس سے پہلے بھی کھلاڑیوں نے غلطیاں کیں انہیں کیا سزا ملی عمر اکمل نے وکلا ءکا شکریہ ادا کیا جنہوں نے ان کا کیس لیاکرکٹر عمر اکمل کے وکیل طیب رضوی نے کہا کہ جسٹس ریٹائرڈ فقیر محمد کھوکھر کے شکر گزار ہیں، سزا میں ڈیڑھ سال کی کمی کی گئی ہے طیب رضوی کا مزید کہنا تھا کہ جج کے سامنے اپنا موقف پیش کردیا تھا اس سے قبل کرکٹرز کو تھوڑی سزا دی گئی ہے کسی اور فورم پر جانے کا فیصلہ مشاورت کے بعد کریں گے، اپیل کرنے کی گنجائش ہمارے پاس موجود ہے یاد رہے کہ عمر اکمل کو رواں سال 20 فروری کو پاکستان کرکٹ بورڈ کے انٹی کرپشن کوڈ کے تحت معطل کیا گیا تھا جس کے سبب وہ پاکستان سپر لیگ میں بھی حصہ نہیں لے سکے تھے ان پر الزام تھا کہ بکی نے انہیں میچ فکسنگ کی پیشکش کی لیکن انہوں نے کرکٹ بورڈ کو بروقت اطلاع نہیں دی بعد ازاں ڈسپلنری پینل کے چیئرمین جسٹس ریٹائرڈ فضل میراں چوہان نے کرکٹر کے خلاف تین سال کی پابندی کا فیصلہ سنایا تھا

297 total views, 3 views today

Leave a Reply

Your email address will not be published. Required fields are marked *